في فيديو ( كاميرا خفيه ) لواحد اجنبي ماشي بمول ، بتمر من جنبو بنت اجنبية حلوة ، بتحاول تغمزو وتزبطو وهيك ،
فهو بستحي وبهرب وبحكيلها سوري انا خاطب !!
يلا مع بعض نتخيل لو انو الشب عربي شو رح يعمل 😂
اصلا فش داعي انها تغمزو ، فش داعي انها تكون حلوه ، فش داعي تكون بعمرو وقدو ، حتى لو متجوز ، رح يرن ع مرتو قدامها ويفتح سبيكر ويقولها انتي طااااالق ،
بعدين حتى لو قالولو هاي كاميرا خفيه ، مش رح يتركها ، رح يوخد رقمها خاوه ، ويبعتلها بالليل ، شكرا للكاميرا الخفيه اللي خلتني التقي فيكي ، بحبك ، تعي نكتب كتابنا !
اصلا الشب العربي مسافر عالبلد الاجنبي مشان هيك قصة ، اصلا بدو اي بنت مشان الجنسية ،،
لأنو كما تقول الاسطورة ، لما اخد الفيزا ، صحابو حكولو : ولك بتروح هناك بتزبط وحده اجنبيه ، وبتتجوزها ، وبتوخد الجنسيه ، وبصير معك ليرات !
واذا ما لقيت وحده تتجوزها ، بتشتغل بكازيه او بمطعم بتجلي صحون وبتوخد بالساعه ٢٠٠ دولار ، بسنة بصيرو مليون دولار ، بتيجي هون بتشتري عماره ، يا عمي اجرها واصرف من ايجارها مالك؟!
تخيلو عاد اول يوم نزل ع اميركا ، اجتو البنت هاي تبعت الكاميرا الخفيه ،رح يقولها انا اصلا جاي عشانك ،
واذا قالتلو سوري اتس هيدين كاميرا
بقولها لا كاميرا ولا هيدين ، هسا ب هيدين المول فوق راسك ، انا بحبك وجاي عشانك ويلا نتجوز ولا بطخك انتي وكل الطاقم تبعكو،
تخيلو لو تهرب منو ، عليم الله ليشلح حفايتو ويركض حافي بالمول وراها ، ولك تعالي يا مرتي يا مررررتي بحبك
قال كاميرا خفيه قال
لا يا عمي بوكلش معنا هالحكي 😎
احنا قلبنا رهيّف
#بحبك_من_أول_مزحه
#عمر_زوربا
تعليقات
إرسال تعليق