بس مشان افرجيكو انو الرجال عينهم فارغة وما بعبيها الا التراب 😂
حسب موقع أحداث اليوم الاخبارية
خبر اليوم بيقول : سيدة تعتدي بالضرب على زوجها على دوار المدينة !
القصة وما فيها انو هالزلمة ومرتو بشتغلو كل واحد بمكان ، والحياة سعيدة وجميلة !
بس كل يوم الصبح كاينه تحكيلو ، يا ابن الحلال وصلني معك عشغلي ، بدل م اتشمشط بالمواصلات ، وتكاسي وباصات وازمة وتأخير !
فهو شو كاين يحكيلها ، والله يا غالية انا بوصل صاحبي معي بالسيارة ، معلش بعينك الله عالمواصلات!
بس كل يوم الصبح كاينه تحكيلو ، يا ابن الحلال وصلني معك عشغلي ، بدل م اتشمشط بالمواصلات ، وتكاسي وباصات وازمة وتأخير !
فهو شو كاين يحكيلها ، والله يا غالية انا بوصل صاحبي معي بالسيارة ، معلش بعينك الله عالمواصلات!
وهي الحزينه ، الطيبه ، بنت الاصول ، تقول بعقلها مش مشكله ، بلاش يزعل صاحبو ، خلص انا بروح ع شغلي مواصلات و بعين الله !
يوم يومين ، شهر شهرين على هالحالة ، كل يوم بوصل صاحبو ، وهي يا حرام ، على تكاسي و مواصلات ، وتأخير و غرامات ، بس مش مشكلة ( عشانك يا تُشكل آسي ، بركب تكاسي )
المهم شو صار ، اليوم ب فترة الصبح ، ولكو عنجد مشهد تقشعر له الابدان ، يا ولدااااه على اللي صار ، يا حسرتي وويل حالي ، يا بختك المايل ، يا ام الجدايل!
مهو على رأي المثل ، حظ الملايح طايح ومنيل ب ٥٠٠ نيلة ، وحظ القبايح .. الخ!
المهم هالحزينه ، متأخره ع شغلها ليش؟! كاينه تعمل ساندويش ، بدها توديه لجوزها عالشغل ، هالحزين ما اكل الصبح ، طلع بدري مشان صاحبو!
المهم هالحزينه ، متأخره ع شغلها ليش؟! كاينه تعمل ساندويش ، بدها توديه لجوزها عالشغل ، هالحزين ما اكل الصبح ، طلع بدري مشان صاحبو!
خليني اعملو كم سندويشة ، يسند حالو فيهم ، يلعن قلبي انا ، المهم وهي ع دوار المدينه تقوم ب انتظار بعضٌ من المواصلات!
عينكو ما تشوف شو شافت ، يا حسرتي علي بس ، يا ريتها شافت صرصور وما شافت هالمنظر !
جوزها ( النظوه ) ماشي بهالسيارة ، وبهالنظارات الشمسية ، و قاعدة جنبو وحدة ، والهوى طاير طاير ، يلعب بهالظفاير ، يرسم رقصة عالداير!
جوزها ( النظوه ) ماشي بهالسيارة ، وبهالنظارات الشمسية ، و قاعدة جنبو وحدة ، والهوى طاير طاير ، يلعب بهالظفاير ، يرسم رقصة عالداير!
من حظو المايل كان في ازمة عالدوار ، هي شافت هالشوفه وبطل عندها عقل ، رمت السندويشات عاليمين ، وشنتتها عاليسار ، وراحتلو عالسيارة ، ولك تعاااال جاي يلعن ابو الساعه اللي عرفتك فيها ، قلتلي صاحبك اه؟! واضرب يا كبير ، وهو قاعد بالسياره زي الصوص ابو الشلن المبلول مي ! ولك يا ريتني اخدت دورة خياطة ولا اخدتك يا خاين الضمير يا ثعلب الكذابين ، يا جرادة العاطلين!
لولا شرطي السير اجا خلاه يتحرك عشان الازمة ، ولا كان الشب هسا راسو بدل المراي!
ولك فوق كل هالتضحيه ، واللي عملتو مشانك ، الله لا يوفقك يا غدار !
ولك فوق كل هالتضحيه ، واللي عملتو مشانك ، الله لا يوفقك يا غدار !
بهاي المناسبة طلع معي بيت هالشِعر :
دبحتني بالتأخير و بالمواصلات
وتأخرت مشان اعملك سندويشات!
والاقيك داير مع ام هالغمازات!
ولك مهي رموشها تركيب!
اخس عليك يالحبيب!
دبحتني بالتأخير و بالمواصلات
وتأخرت مشان اعملك سندويشات!
والاقيك داير مع ام هالغمازات!
ولك مهي رموشها تركيب!
اخس عليك يالحبيب!
#خاين #مستغانمي
#عمر_زوربا
#عمر_زوربا
خرجو يستاهل الله لا يقيمو..
ردحذف