عمر زوربا (شب واقع فاهم الواقع)

يا عمي مش شرط كل اللي شغلات اللي بعملوها الاجانب تزبط معنا ،، يا عمي بزبطش بزبطش بزززبطش خلص!!! - قصة انك تخطب بنت امام العامة هاي انسوها !! خلص جربناها بكم جامعة و كم مطار و فشلت فشلًا ذريعا و كانت رح تقلب مصايب! خلص انسووها!! الخطبة بالبيت احلى و اركز و اضب و بدون فضيحه!! - قصة رقصة العريس والعروس و انو العريس يحمل العروس وهيك برضو انسوها ، جربناها بكم عرس وصار فيها اصابات و فضايح و عجقة ،، خلص قطعو الكيك مع بعض و كول انتا والعروس من نفس الشوكة و ارقصو سلو مع الدخان اللي طالع من الارض وخلص!! - رقصة البطريق ، هاي الرقصة خلص اخترعوها الاجانب و رح تضل الهم ، بلا منخربها و ننزل ببعض شلاليط كل مبدنا نرقصها ، مش زاابطه يا عمي مش زابطه!! - قصة انو حبيبتي زعلانه مني و بدي اركب سيارة و اصف بنص الشارع و اصالحها ، هاي لاااااا تقربوهاش ، منتو شفتو اللي عملوه بشارع الوكالات ، وكل وكالات الانباء حكت عنها ، والبنت عليم الله هسا يمكن انطخت، والشب مفقود!! - قصة انك تفاجئ بنت بعيد ميلادها و تطفو الضواو و تخوفوها وتفاجؤوها برضو هاي انسوها خلص ، صار يصير عنا حالات هلع و خوف و صدمة منها ، وف...

قال الحلوات حظهم ناقص و مايل و منيّل ب ٥٠٠ نيلة؟! ولا القصه بس اشاعات و تبلي معاك؟! قال ملكة جمال العيلة بتكون ملكة جمال التعاسة والحظ المايل بالعيله؟! ولا القصه فش منها اصل...

ام صاحبي اندلت عالفيسبوك جديد و عملتلي متابعه امبارح بعد عشرين دورة تعليم عالفيسبوك !! فهمت كل اشي بالفيسبوك الا شغله وحده ،، مش مستوعبه قصة انو بتقدر تبعت لحدا مسج عالفيس...

تركوو المكالمات ، و تركو المسجات ،، وتركوو اللقاءات ، و تركو الواتسابات و كل الابليكيشينات ،، وتركوو القعده بالباصات بالكرسي الاخير ،، و تركو القعده تحت الشجره ،، و اجو يتغزلو ببعض عالكومنتات!! حبيبي بحبك بحبك بحبك  😘 😘 😘 - وانا يا عمررري بعشقك عشق من النوع الاصلي! حبيبي مع انو كنا من شوي سوى بس اشتقتلك اشتقتلك موت!! - يسعدلي ياكي انتي !! ولك تعالي انبوكس تعالي!! اه يخوي بالله شو ضل تحكو عالانبوكس؟! هو ضل اشي!! هو بعد اشتقتلك و بحبك و هيك !! ولك شو ضل يا مقمل شو ضل؟! وانتي يا عقربة ولك يا عقرررربة يا حرباية يا سودة يا ام شعر مزّيت ولك مالك مالك متهدي عحالك مالك مالك؟! ولك بمين بتجاكري؟! ولك لو يلقطك اخوكي ليخليكي تبلعي حزمة النت ال ٢ چيچا!! ولك والله ليربط حواجبك بسلك الشاحن !! اوووعي تفكري اذا كاتبه اسمك ( معشوقة حمودة ) مش رح يصيدوكي العيله ، ولك في بكل عيله شخص بصيد البنت من طريقة ترتيبها للأحرف ، هاد بكون رجلو مكسورة وماخد اجازة وقاعد بالبيت و بصيدك ولك بصيدك !! ولك انضبي انتي وياه ع اي ابليكيشن ،، ولكو هو ناقصنا!! كلووووو كووووووووم ، وهاي كوم ،، مره شفت صورة...

هذه كريستينا كريستينا و اخيرًا خطبت كريستينا خطبت ولم تصبغ شعرها اشقر و تركتو زي مهو ! كريستينا ما قلبت ع صاحباتها المش خاطبات ولم تسلخهم بلوكات عالفيسبوكات والواتسابا...

خلص لما اعطيك موبايلي مشان تشوف صورة فاتحلك عليها انا ، مش ضروي تزيح الصورة عالصورة اللي جنبها ، يا عمي مش ضروري مش ضروري مش ضروري!! شو حابب تشوف يعني؟! ولا بتفرجينا انك بتعر...

كلنا مساكين ، و حزينين ، وسارحين ، وكل واحد فينا في براسو مليون قصة يفكر فيها !! قال ليش مش مبتسم ولا بتضحك !! هداك الزلمه اللي بالسيارة ، ليش فتحت الاشاره وبعدو واقف ، لا مش ملتهي بموبايلو ، ولكو هاد سارح بأقساط السيارة ، والمدارس الخاصة ، والاساتذه الخصوصي ، وايجار البيت ، والدنيا شتوية ، وكاز ، وغاز ، ومليون قصة!! هاد الشب مالو؟ ليش قاعد لحالو ، لا مش مجنون ، هاد صارلو سنتين خاطب ، وحماتو اكلت راسو لازم يتجوز ، وهو مش ملحق ، بشتغل شغلتين ، ولسا ما جمّع اشي ، وخطيبتو بتحكي ، واخوان خطيبتو بحكو ، وبرضو عندو عيله ، و اخ توجيهي ، ومليون قصة!! هاي البنت اتركوها بحالها ، هاي الكبيره بخواتها ، هاي اللي تركت الحياة والدراسه مشان خواتها واخوانها الصغار ، ضيعت مستقبلها ، و امها تعبانه ، ورفضت كل اشي مشانها ، جيزة وتعليم وحياة ، وراح العمر ، وبعدها زي مهي ، ومليون قصة!! هاي المرَة اللي بالتكسي رايحة تستلم حوالة من ابنها المغترب ، هو الكبير والمتعلم ، سافر و تهجر مشان هون راتبو ما كان مكفي لإشي ، اشترى فيزا وراح عالسعودية صارلو ٣ شهور ، ومن شهر توظف ، وهيو باعت كل راتبو ، رايح منو بس...

٨٠٪ من امياتنا ، تعذبو من سلافهم و بنات حماهم زمان !! في رواية اسطورية تكررت مع ٤٠ مليون ام في العالم العربي : يما كنت اكون حامل فيك ، ويجو كل عمامك ، والدنيا رمضان ، وانا مريضه ، وبدهم يوكلو كلهم ، واطبخ ، ومش قادره ، و عمتك تجاكر فيي ، وغيرانه لاني حامل ، وانا بالمطبخ وهمه قاعدين على ضحك ومزح!! وانا من تم ساكت!!! طب يما وين حقوق الانسان ايامها؟ وين الامم المتحده؟ وين العدل؟ يما كان سلختي عمي طنجره عراسو وانحبستي احسن من هالعيشه ، طب يما ليش تضلي ساكته!! اروح اطخ عليهم يما؟؟؟؟ ايامها كنا بدنا نعيش يما ، يما قهرتيني يما خلص  😡 اما خوالك وخالاتك ، احسن ناس  😂 ‫#‏ يا_حبيبتي_يما‬ ‫#‏ عمر_زوربا‬

نصيحة أخوية : البنت الخاطبة ، اذا تركت خطيبها و فسخت الخطبة ، وشايفه انو في بصيص أمل انهم يرجعو ، ما تكتب اشي على الفيسبوك ، مسبات و دراما و مجاكرة و منيح اني خلصت منو و لقد كنت اكبر اخطائي و تبًا لتلك الساعة و لا اريدك من اول بس امي اقنعتني و ندمت على تلك اللحظات ، واختك الكبيرة كانت قوية ، و اصلا لا اعلم كيف وافقت عليك ، ورضينا بالبين والبين ما رضي فينا!! لأنو اذا رجعتو لبعض ، موقفك رح يكون مش جميل ابدًا ، و سوف تضطري انك تلغي فيسبوكك سريع سريع ، او تقنعي خطيبك انو اكاونت ك كان مسروق!! اما اذا شايفه فش امل بالرجعه ، اقلبي كل الفيسبوك دراما و مسبات عادي ، فشي غلك و غُل غلك يختي ، طُخي عالعيله كلها ، حسسيهم انهم خسرو ٦ صناديق ذهب فرعوني !! وعشان ما تقولو بحكي عن الخاطبات ، هاد الحكي ينطبق على جميع الافراد اذا حدا ترك شغلو شهر و رجع ! اذا حدا طلق مرتو اسبوعين و رجع ! الخ احفظو خط الرجعة التكتيكية لكل قصة ، ف نحن لا ندري ماذا يحصل في الحياة ، ولا نريد ان نضع انفسنا بسواد الوجه ، انها السوشال ميديا يا اصدقائي ، انها مرآة الحياة ، انا اصلا ليش بنصحكم؟ مهو عشانكم ، انا شو جاييني؟...

في هذا الوقت من السنة ، لما تكون العيله قاعدين و ملمومين كلهم حوالين الصوبه ، مع وجود شوية بزر و مخلوطه و شاي شوي بارد ، والتلفزيون شغال ع قناة لبنانيه احتفالات و تنبؤات بالعام الجديد ، بكون الكل قاعد و عادي ،، لازم شخص من العيله ينط و يقول : اي والله السهره والقعده بالبيت احسن من السهر بالمطاعم و الفنادق وهيك ، هينا مكيفين !! ملاحظه : هاد الشخص كذاب ، من جوى مش مقتنع بللي حكاه ، بس لأنو طفران حكى هيك ، عليم الله لو يتوفر معو ١٠٠ ليره ، ليضل برى البيت من قبل راس السنه بيوم ين ! بس الطفر غدار !! انسوا ،، اكتبولنا مواقعكم ، و اللي بالبيت قاعد يحكلينا ع اي قناة لبنانية فاتح ! واللي قاعد بالغرفة الجوانية ولافف عحالو ١٦ حرام ، ما يكتب انو ب برج خليفه ! بصيدك! ‫#‏ حظ_مايل‬ ‫#‏ عمر_زوربا‬

يا حرام طلاب التوجيهي بهالبرد ،، بكون قاعد لحالو زي ابو بريص ،، و سامع صوت العيله ملتمين و بضحكو عند هالتلفزيون ،، و على حظو بصير دمهم خفيف و شغل نُكت و نهفات ، مع انو بس يكون قاعد معهم بقلبو نفسيات و نكدين وشغل ديون وقروض و مشاكل و كل واحد عابط موبايلو ، بستنوه يفوت يدرس بقلبو سيرك مع عروض ستاند اب كوميدي!! وحظو المايل برضو ، بس يكون قاعد بكونو فاتحين التلفزيون ع برنامج ملوش دخل بالحياه ، مثلا بكونو فاتحين ع طريقة تفقيس بيض السمكة الحمراء المتواجده بالنهر الاسود بكولومبيا ! ! بس يقوم يدرس ، بقلب التلفزيون عبارة عن ترفيه و سينما منزليه وما يطلبه المشاهدون وبصير عبارة عن المارد تبع الفانوس!! بعدين ترى كل العيله عارفين اساليبك يا طالب التوجيهي ، الحِجة تبعت انك رايح عالحمام كل ست دقايق بعرفوها ، وقصة انك رايح تشرب مي برضو هاي انحرقت قبلك ب ٦٠٠ دورة شتوية وصيفيه ، مشان هيك بحطولك مي بالغرفه ، وقصة الحمام سيبك منها ، ول هو انتا مُنخُل ، بلاها قصة تفوت عالحمام تصفن بالمراي و ترجع!! وقصة انك تعمل حالك غفيت وانتا بتدرس والكتاب بحضنك هاي قديمه و فش فيها عاطفه ، يعني امك فاهمه عليك ،...

شو القصة بالزبط انا مش فاهم والله !! هو كل واحد صار يمر من جنب المحكمة ويشوف حالو فاضي بفوت بشتكي علي؟! شو في شو في جد!!! يا عمي طب في كتير شغلات المفروض انها اهم مني بحياتك!! يا عمي التهي بولادك بمستقبلهم ، التهي ب ديزل التدفئة ، روح اسأل عن اداء ابنك بالرياضيات بالمدرسة !! يا عمي العب كاندي كراش ، اطلع اسقي الزريعة اللي عباب البيت !!  يعني بستغرب من اللي بسحب حالو وبعطل حالو وبنزل عالمدعي العام و بوقف عالدور و بكتب ورقة وشكوى وبدوّر عقلم و بجيب محامي وبدفع مصاري وبغلب حالو وبضيّع نص يومو مشااااان يشتكي عليي؟! طب ليش؟! لهالدرجة انا مدايقك؟! لهالدرجة مسببلك قلق بحياتك؟! يا زلمة والله لو اني ناهب البلد و ثرواتها مهو هيك ، والله لو اني قاتلك قتيل !! انا شو بعمل بالزبط؟! شو بكتب يعني؟! الحروف كلها هاي مهي طايره بالهوى ، ليش ماخدها لهالدرجة جد يعني!! كل يومين والثاني رايح من مدعي عام ، وراجع من عند محامي ، ولك امي صارت تفهم بالقانون ، والقدح والذم والتشهير والبطيخ، طب شو اعمل ؟! يعني بالزبط شو في؟! ليش لهالدرجة مكبرين القصص وماخدين الحياة جد و ب نفسية هيك؟! تركو الفساد ، وتر...