بتتغزلو عالكومنتات !!

تركوو المكالمات ، و تركو المسجات ،، وتركوو اللقاءات ، و تركو الواتسابات و كل الابليكيشينات ،، وتركوو القعده بالباصات بالكرسي الاخير ،، و تركو القعده تحت الشجره ،،

و اجو يتغزلو ببعض عالكومنتات!!

حبيبي بحبك بحبك بحبك 😘😘😘
- وانا يا عمررري بعشقك عشق من النوع الاصلي!
حبيبي مع انو كنا من شوي سوى بس اشتقتلك اشتقتلك موت!!
- يسعدلي ياكي انتي !! ولك تعالي انبوكس تعالي!!

اه يخوي بالله شو ضل تحكو عالانبوكس؟! هو ضل اشي!! هو بعد اشتقتلك و بحبك و هيك !! ولك شو ضل يا مقمل شو ضل؟!
وانتي يا عقربة ولك يا عقرررربة يا حرباية يا سودة يا ام شعر مزّيت ولك مالك مالك متهدي عحالك مالك مالك؟! ولك بمين بتجاكري؟! ولك لو يلقطك اخوكي ليخليكي تبلعي حزمة النت ال ٢ چيچا!! ولك والله ليربط حواجبك بسلك الشاحن !!

اوووعي تفكري اذا كاتبه اسمك ( معشوقة حمودة ) مش رح يصيدوكي العيله ، ولك في بكل عيله شخص بصيد البنت من طريقة ترتيبها للأحرف ، هاد بكون رجلو مكسورة وماخد اجازة وقاعد بالبيت و بصيدك ولك بصيدك !!

ولك انضبي انتي وياه ع اي ابليكيشن ،، ولكو هو ناقصنا!!

كلووووو كووووووووم ، وهاي كوم ،،
مره شفت صورة بنت صغيرة هيك خدودها كبار ، في بيج منزلين الصورة وكاتبين تحتها براءة الاطفال ، لانو البنت ماسكة ريموت التلفزيون و بتضرب ابوها ع راسو !!
المهم لقيت كومنت من وحده عمرها لا يتجاوز ١٤ ربيعًا ، واسمها سوسو لڤك انا ،،
حاطة اسم شب عمرو ١٦ سنه اسمو ابو مايكل و اقطع ، و كاتبيتلو : حبيبي بدي هيك تكون بنتنا !!
ورادد عليها ابو مايكل : انا بدي اول خلفتنا ولد ( مايكل )
ردتلو ام مايكل : اوك حبيبي زي مبدك ، مع وجه خجلان!!

طب خلينا نقول حطينا عمرك فوق عمرو ١٦+١٤ يساوي ٣٠ ، ولكو الشب اللي عمرو ٣٠ بعدو ما بلشّ يأسس حالو و لسا ما تثبت بالوظيفه و بستحي يتخيل انو عريس بينو وبين حالو!!

ولك يلعن ابو قملك ، ع ابو قملو ، ع ابو اللي شحنلك نت بموبايلك، يا مقملة ، يا سيبانه ، يا ام اسنان لبنية ،
وانتا يا ابو مايكل ، والله لو ابوك يصيدك ليبلعك فتيلة الصوبة يا ابو الواكس يا ابو المشمعة اللي فوق فرشتك!

‫#‏لڤك‬ ‫#‏بيبي‬ ‫#‏مسّك‬ ‫#‏مورنينچ‬ ‫#‏سيلفي‬
‫#‏عمر_زوربا‬