التخطي إلى المحتوى الرئيسي

ضن السوء مسكر | عمر زوربا | Omar Zorba

بواسطة
بتلاقي موقع اخباري عالفيسبوك كاتب :
احبها كثيرًا و في ليلة الزواج اكتشف انها ...
و بعيشونا عنصر التشويق مشان نفوت على الموقع ونقرأ الخبر ،، واحنا اصلا عقولنا شوي تميل للعقليه الفضائحية ، يعني بنصير نفكر تفكيرات رهيبه ،
ابصر شو اكتشف جوزها ، شكلو اكتشف انها حراميه ، او حاطه باروكه ، يييي شكلو اكتشف انها بنت خالتو بالرضاعه ، او يمكن اكتشف انها بتسرق قداحات ، او بتحكي وهي نايمه ، او مبلية ترديد اغاني ع سنابشات ، او يمكن اكتشف انها حقنه ، حقنه يعني وجعة راس وبتحكي كثير ،،
المهم بندخل عالخبر بطلع الخبر :
احبها كثيرا وفي ليلة الزواج اكتشف انها تحبه اكثر لانها اعطتو الذهبات اللي لبسها ياهم وقالتلو خود بيعهم وادفع حق غرفة النوم !!
احنا مستحيل نفكر بالمنيح مستحيل !!
مثلا :
وفاء قاعده مع صاحبتها جمانه بالباص!
جمانه: شفتي الدكتور اليوم شو عمل فينا؟!
وفاء : يييي شو عمل ابن هالحرام 😳
جمانه : لا ولك زادلنا علامات كلنا 😑
شفتو كيف وفاء عالسريع فكرت بانو ابصر شو عمل مصيبه!
ام رائد و سمية قاعدين عالبرندة :
ام رائد : لو تعرفي شو عمل معنا تبع الستالايت !
سمية : الللله لا يوفقو شو عمل؟! 😳
ام رائد : يييي لا والله زبطلنا كل القنوات !
شفتو سمية شفتو؟! دعت عليه قبل متعرف!
الخلاصة : صراحة مش عارف ، بس شكلو في خلاصة وفكره مهمه مش عارف شو هي!
‫#‏ظن_السوء_مسكر‬
‫#‏عمر_زوربا‬

تعليقات

إرسال تعليق

المشاركات الشائعة من هذه المدونة

سلفتي سر سعادتي | عمر زوربا | Omar Zorba

بواسطة
اللي بشوفها لابسة زي هاد ، بدي ابلغ عنها مكافحة المخدرات !! وبدي اعرض ع خطيبها مبلغ مالي ضخم مشان يطلقها واخطبلو مايا دياب ، قال رمضان احلى مع خطيبي قال ، مهو الحق مش عليكي ، ا...
إرسال تعليق
قراءة المزيد

لمـــــاذا تغير لون التفاح ..كلام جميل

بواسطة
زمان كانت أسماؤنا أحلى ، ورائحة الباميه تتسرب من شبابيك البيوت، وساعة "الجوفيال" في يد الأب العجوز أغلى أجهزة البيت سعراً وأكثرها حداثة، وحبات المطر أكثر اكتنازاً بالماء. زمان .. حين أخبار الثامنة أقلّ دماً، ومذاق الشمس في أفواهنا أطيب، وطريق "المصدار" أقل ازدحاماً بشاحنات الأثاث، وبنات المدارس يخبئن أنوثتهن في صفحات دفتر العلوم. لما كانت غمزة "سميرة توفيق" أكثر مشاهد التلفزيون جرأة، و"مجلس النواب" حلماً يداعب اليسار المتشدد، وأجرة الباص قرشين، والصحف تنشر كل أسماء الناجحين بالتوجيهي. عندما كان المزراب يخزّن ماء الشتاء في البراميل، وكُتّاب القصة ينشرون مجموعات مشتركة، وحلو العرس يوزع في كؤوس زجاجية هشّة تسمى "مطبقانيات"، والجارة تمدّ يدها فجرا من خلف الباب بكوب شاي ساخن للزبّال فيمسح عرقه ويستظلّ بالجدار! زمان.. عندما كانت "الشونة الشمالية" آخر الدنيا، و"فكر واربح" أهم برامج المسابقات، ولم نكن نعرف بعد أن ثمة فاكهة تتطابق بالاسم مع منظف الأحذية "الكيوي"، وأننا يوماً ما سنخلع جها...
إرسال تعليق
قراءة المزيد

اواعي العيد

بواسطة
بيقولو انو البنت بس بدها تشتري اواعي ، بتقعد تنقي ٣ اسابيع متواصله مشان تختار لبسة ،، وبتلف محلات عمان كلها ، وبتلف الجوجل ، والجروبات ، مشان تختار اواعي لمناسبة ، وبتتأكد انو فش حدا من صاحباتها او قرايبها مش شارية زيو ،، بالاخير بتشتريه ، بعد متقيسو ٣٥ مره ، وتصفن فيه بالمراي ٦ ساعات عالتوالي ، وتلف ست سبع لفات حوالين حالها ،، وتسأل : حلو؟! اه حلو ،، جد حلو ؟! اه وحياة امي حلو ،، حاسستو مش زابط من هون ؟! لا زابط ،، بعد متختارو وتنوي خلص وتستخير وتتأكد مليون بالمية ،، ويحطولها ياه بكيس و تدفع ، بترجع تقول للزلمه اذا ما عجبني ببدلو؟! اه يختي بتبدليه ! طب في منو الوان ؟! هون صاحب المحل لازم يرميها رصاصتين وجها لوجه !! المشكله وووين ،، المشكله بالعيد بتكتشف انو اللي شاريتو الفستان ( ابو قشاط ذهبي ) اللي صار زي رسمي العيد الماضي !! وبالصدفه بس تروح ، بتفتح الواتس اب ، بتلاقي بنت خالتها باعته صورة لنفس فستانها على جروب عائلتي و انا ، وكاتبه حلو الفستان ؟! اليوم اشتريتو !! بتسكر الواتس اب ، وبتسكر الموبايل ، وبتلف شريطه سودا ع عيونها ، وبتوقف قبال المراي ، وبتصير تبكي ، ليش حظي هي...
إرسال تعليق
قراءة المزيد