التخطي إلى المحتوى الرئيسي

عصر اول يوم عيد | عمر زوربا | Omar Zorba

بواسطة
هذه اللحظه من اكثر اللحظات مللّاً و زهقا وقرفًا في كل عام !
٩٨٪‏ من الشعب الاردني قاعد بالبيت ومحتار بالتالي :
١- خايفين نحط الاكل ونوكل ، وحدا يجي علينا فجأة!
٢- خايفين نلبس اواعينا و ما حدا يجي علينا!
٣- خايفين نشلح اواعينا و حدا يجي علينا!
٤- خايفين نسخن القهوه الساده وما حدا يجي علينا!
٥- خايفين ما نسخن القهوه و يجي حدا علينا!
٦- خايفين نطلع عند فلان نلاقيه جاي عنا!
٧- خايفين ننام و يجي حدا علينا !
٨- يما البس اواعيي مشان اذا اجا حدا يعيدني؟
٩- خايفه اسشور و ازبط حالي وما حدا يجي!
١٠- خايفين نوكل من الشوكلاته اللي عالطاوله!
١١- خايفين ما نوكل منها وما حدا يجي وتضل بنفسنا وتخرب!
بس الحمدلله ، في بكل عيله شخص ابدا مش سائل ، واليوم طبيعي عندو ، داير بالشورت وعادي ، وبوكل وبنام ومطنش ، بوكل كعك و بفرم من الشوكلاته ، ومطنش كل اشي! و بنام و بصحى وعادي وبرجع بنام وعادي!
والبنت اللي شعرها منكوش و مش سائله و بتوكل اي اشي ، ومش فارقه معها لا عيد ولا بطيخ اصفر!
ولك عيب الدنيا عيد ، طيب شو يعني ئي !
#عصر_اول_يوم
#عيد_سعيد_احمد_عبدالمجيد
#عمر_زوربا

تعليقات

إرسال تعليق

المشاركات الشائعة من هذه المدونة

سلفتي سر سعادتي | عمر زوربا | Omar Zorba

بواسطة
اللي بشوفها لابسة زي هاد ، بدي ابلغ عنها مكافحة المخدرات !! وبدي اعرض ع خطيبها مبلغ مالي ضخم مشان يطلقها واخطبلو مايا دياب ، قال رمضان احلى مع خطيبي قال ، مهو الحق مش عليكي ، ا...
إرسال تعليق
قراءة المزيد

لمـــــاذا تغير لون التفاح ..كلام جميل

بواسطة
زمان كانت أسماؤنا أحلى ، ورائحة الباميه تتسرب من شبابيك البيوت، وساعة "الجوفيال" في يد الأب العجوز أغلى أجهزة البيت سعراً وأكثرها حداثة، وحبات المطر أكثر اكتنازاً بالماء. زمان .. حين أخبار الثامنة أقلّ دماً، ومذاق الشمس في أفواهنا أطيب، وطريق "المصدار" أقل ازدحاماً بشاحنات الأثاث، وبنات المدارس يخبئن أنوثتهن في صفحات دفتر العلوم. لما كانت غمزة "سميرة توفيق" أكثر مشاهد التلفزيون جرأة، و"مجلس النواب" حلماً يداعب اليسار المتشدد، وأجرة الباص قرشين، والصحف تنشر كل أسماء الناجحين بالتوجيهي. عندما كان المزراب يخزّن ماء الشتاء في البراميل، وكُتّاب القصة ينشرون مجموعات مشتركة، وحلو العرس يوزع في كؤوس زجاجية هشّة تسمى "مطبقانيات"، والجارة تمدّ يدها فجرا من خلف الباب بكوب شاي ساخن للزبّال فيمسح عرقه ويستظلّ بالجدار! زمان.. عندما كانت "الشونة الشمالية" آخر الدنيا، و"فكر واربح" أهم برامج المسابقات، ولم نكن نعرف بعد أن ثمة فاكهة تتطابق بالاسم مع منظف الأحذية "الكيوي"، وأننا يوماً ما سنخلع جها...
إرسال تعليق
قراءة المزيد

اواعي العيد

بواسطة
بيقولو انو البنت بس بدها تشتري اواعي ، بتقعد تنقي ٣ اسابيع متواصله مشان تختار لبسة ،، وبتلف محلات عمان كلها ، وبتلف الجوجل ، والجروبات ، مشان تختار اواعي لمناسبة ، وبتتأكد انو فش حدا من صاحباتها او قرايبها مش شارية زيو ،، بالاخير بتشتريه ، بعد متقيسو ٣٥ مره ، وتصفن فيه بالمراي ٦ ساعات عالتوالي ، وتلف ست سبع لفات حوالين حالها ،، وتسأل : حلو؟! اه حلو ،، جد حلو ؟! اه وحياة امي حلو ،، حاسستو مش زابط من هون ؟! لا زابط ،، بعد متختارو وتنوي خلص وتستخير وتتأكد مليون بالمية ،، ويحطولها ياه بكيس و تدفع ، بترجع تقول للزلمه اذا ما عجبني ببدلو؟! اه يختي بتبدليه ! طب في منو الوان ؟! هون صاحب المحل لازم يرميها رصاصتين وجها لوجه !! المشكله وووين ،، المشكله بالعيد بتكتشف انو اللي شاريتو الفستان ( ابو قشاط ذهبي ) اللي صار زي رسمي العيد الماضي !! وبالصدفه بس تروح ، بتفتح الواتس اب ، بتلاقي بنت خالتها باعته صورة لنفس فستانها على جروب عائلتي و انا ، وكاتبه حلو الفستان ؟! اليوم اشتريتو !! بتسكر الواتس اب ، وبتسكر الموبايل ، وبتلف شريطه سودا ع عيونها ، وبتوقف قبال المراي ، وبتصير تبكي ، ليش حظي هي...
إرسال تعليق
قراءة المزيد