التخطي إلى المحتوى الرئيسي

هبه و عصام ١ | عمر زوربا | Omar Zorba

بواسطة
دخلت ( هبه ) عالبيت فارعة دارعة ، فتحت الباب مش شايفه قدامها ، ابعدولي ابعدولي ، شافت امها واختها واخوها الصغير حمزة قاعدين بوكلو !!
رمت شنتتها عاليمين ، واجت ركاض عالاكل ! 
هبه : ميته ميته جوع بدي انشّل من الجوع ، دايخه وحياة امي دايخه!!
بتبعد اخوها حمزه من كتفو ب ايدها عاليمين ، بميل هو وبتوقع من ايدو المعلقه !
ولك ابعد غاد بدي اكل! هاتي يما خبزة من عندك!
امها مصدومة ومتجمده ، طالت خبزه واعطتها وهي صافنه هديك الصفنه 😳
اختها فرح ، بتقول لإمها بالعقل :
يما مش المفروض انو هبه كانت معزومه مع خطيبها عالغدا؟!
امها : اه ولك ورنيت عليها قبل متيجي و حلفتلي ٣ مليون يمين انو عبّى الطاوله اكل ، وانها اكلت وشبعت!
فرح : طب مالها يما شوفي كيف فرمت صحن الرز فرم ، وبتعض عالخبزه زي اللي صارلها سنتين مش ماكله! شو القصه؟! ليكون تمشكلو ؟!
امها : لا ولك شو تمشكلو ، والله بدبحها ، الشب منيح وكريم وما رح تلاقي زيو!
حمزة صافن ب اختو هبه وبطريقة اكلها !
هبه : حمزه صبلّي بيبسي !
تفرجت ع امها و اختها : يما مالكو ليش صافنين فيي هيك؟! بدكوش اكل؟!
امها : لا يما صحتين كلي ، بس يعني لإنو ابصر مش عارفه شو اقولك!
نطّت فرح بتقول : ولك منتي كنتي معزومة عالغدا مع عصام !!! ما اكلتي؟!
امها قرصتها من ايدها : ولك اسكتي !!
فرح : يما مالك منتي شايفه ، اكلت ايد حمزه ، بدي اعرف شو القصه!!
هبه : ولكو اه تغدينا !! كانت سفرة عالميه ، ما خلّى اشي يا حرام ! حتى الفاتوره ابصر كم طلعت !
وهي بتحكي رن عصام ، انعجقت هبه ، وبلعت اللقمه اللي بتوكلها ،، و ردت :
هبه : اه حبيبي ، اه انا وصلت من شوي دخلت !
عصام : إن شاء الله عجبك الغدا حبيبتي ؟!
هبه : روعة الغدا ، بتصدق وبتآمن ب الله ، هاي اول مره باكل هيك ، شكلي رح اضل اسبوع بدون اكل ، كتير اكلت اليوم!
عصام : مع انك حبيبتي شفت انك اكلتي لقمتين بس !
هبه : حبيبي منا حكتلك هاد اكلي ، هيك طبيعتي ، وجبه وحده كل يوم ومرات بنساها 😈
امها و فرح و حمزه صافنين بالمكالمه صفنة رجلٍ واحد 😳
هبه : بتصدق هيني قاعده ومش قادره اتحرك من كتر م اكلت ، خليني اغير اواعيي و برجعلك حبيبي ! بحبك
عصام : اوك حبيبتي بحبك موت !
سكرت الخط هبه وكملت اكل !
هبه : يما مالك يما ، مش بدك هالخطبه تتم ع خير !
امها : اه يما الله يوفقك و يهنيكي !
هبه : طيب يما انتي بدك اكل اكلي الطبيعي قدامو؟! عليم الله لو اكلت براحتي كان هرب وتركني بالمطعم ، اكلت لقمتين سلطه ، وحبتين بطاطا قدامو ، وحكتلو اني شبعت 😂
وقلت باجي بكمل اكل بالبيت ، مع انو عيوني طلعو ع منظر المشاوي المصفطّ عالطاوله ، لا والاعطل من هيك جايب شاورما كمان ، دموعي نزلو يما عالشاورما ، ومش قادره امد ايدي ، استنيت قلت بلكي راح عالحمام ، بفرملي قطعتين ليرجع ، بس عالفاضي ضل ملزق 😔
* اختها فرح قوية ، كرنيبه ، عقربه ، ساهيه لاهيه ، حية بتلسع لسع !
فرح : ييييي ولك كان حكتيلي ،، منا قبل شوي بعتت سنابشات ل عصام فيديو الك وانتي بتوكلي ، بس والله ما كنت اعرف انو القصه هيك 😈
هبه تجمدت ، عينها كانت بصحن الرز ، تركت كل اشي من ايدها ، ورفعت راسها شوي شوي سلو موشن ، وتفرجت ع فرح نظرة الصدمة!!
بعتتي ل عصام فيديو الي وانا باكل؟! قولي انك بتمزحي ؟؟؟!
قبل م فرح تجاوبها ، عصام بعت مسج ل هبه : صحتين حبيبتي ، مع وجه النفسية هاد 😊
المهم بيقولو بيقولو انو كل الحاره ما قدرت تفلت شعر فرح من ايدين هبه ، ولولا قوات الدرك تدخلت ، كان فرح هسا ذانها مقطوعه !!
#اتركوني_عليها_بدي_اشرب_من_دمها
#عمر_زوربا

تعليقات

إرسال تعليق

المشاركات الشائعة من هذه المدونة

سلفتي سر سعادتي | عمر زوربا | Omar Zorba

بواسطة
اللي بشوفها لابسة زي هاد ، بدي ابلغ عنها مكافحة المخدرات !! وبدي اعرض ع خطيبها مبلغ مالي ضخم مشان يطلقها واخطبلو مايا دياب ، قال رمضان احلى مع خطيبي قال ، مهو الحق مش عليكي ، ا...
إرسال تعليق
قراءة المزيد

لمـــــاذا تغير لون التفاح ..كلام جميل

بواسطة
زمان كانت أسماؤنا أحلى ، ورائحة الباميه تتسرب من شبابيك البيوت، وساعة "الجوفيال" في يد الأب العجوز أغلى أجهزة البيت سعراً وأكثرها حداثة، وحبات المطر أكثر اكتنازاً بالماء. زمان .. حين أخبار الثامنة أقلّ دماً، ومذاق الشمس في أفواهنا أطيب، وطريق "المصدار" أقل ازدحاماً بشاحنات الأثاث، وبنات المدارس يخبئن أنوثتهن في صفحات دفتر العلوم. لما كانت غمزة "سميرة توفيق" أكثر مشاهد التلفزيون جرأة، و"مجلس النواب" حلماً يداعب اليسار المتشدد، وأجرة الباص قرشين، والصحف تنشر كل أسماء الناجحين بالتوجيهي. عندما كان المزراب يخزّن ماء الشتاء في البراميل، وكُتّاب القصة ينشرون مجموعات مشتركة، وحلو العرس يوزع في كؤوس زجاجية هشّة تسمى "مطبقانيات"، والجارة تمدّ يدها فجرا من خلف الباب بكوب شاي ساخن للزبّال فيمسح عرقه ويستظلّ بالجدار! زمان.. عندما كانت "الشونة الشمالية" آخر الدنيا، و"فكر واربح" أهم برامج المسابقات، ولم نكن نعرف بعد أن ثمة فاكهة تتطابق بالاسم مع منظف الأحذية "الكيوي"، وأننا يوماً ما سنخلع جها...
إرسال تعليق
قراءة المزيد

اواعي العيد

بواسطة
بيقولو انو البنت بس بدها تشتري اواعي ، بتقعد تنقي ٣ اسابيع متواصله مشان تختار لبسة ،، وبتلف محلات عمان كلها ، وبتلف الجوجل ، والجروبات ، مشان تختار اواعي لمناسبة ، وبتتأكد انو فش حدا من صاحباتها او قرايبها مش شارية زيو ،، بالاخير بتشتريه ، بعد متقيسو ٣٥ مره ، وتصفن فيه بالمراي ٦ ساعات عالتوالي ، وتلف ست سبع لفات حوالين حالها ،، وتسأل : حلو؟! اه حلو ،، جد حلو ؟! اه وحياة امي حلو ،، حاسستو مش زابط من هون ؟! لا زابط ،، بعد متختارو وتنوي خلص وتستخير وتتأكد مليون بالمية ،، ويحطولها ياه بكيس و تدفع ، بترجع تقول للزلمه اذا ما عجبني ببدلو؟! اه يختي بتبدليه ! طب في منو الوان ؟! هون صاحب المحل لازم يرميها رصاصتين وجها لوجه !! المشكله وووين ،، المشكله بالعيد بتكتشف انو اللي شاريتو الفستان ( ابو قشاط ذهبي ) اللي صار زي رسمي العيد الماضي !! وبالصدفه بس تروح ، بتفتح الواتس اب ، بتلاقي بنت خالتها باعته صورة لنفس فستانها على جروب عائلتي و انا ، وكاتبه حلو الفستان ؟! اليوم اشتريتو !! بتسكر الواتس اب ، وبتسكر الموبايل ، وبتلف شريطه سودا ع عيونها ، وبتوقف قبال المراي ، وبتصير تبكي ، ليش حظي هي...
إرسال تعليق
قراءة المزيد