ام صاحبي اندلت عالفيسبوك جديد
و عملتلي متابعه امبارح بعد عشرين دورة تعليم عالفيسبوك !!
فهمت كل اشي بالفيسبوك الا شغله وحده ،، مش مستوعبه قصة انو بتقدر تبعت لحدا مسج عالفيسبوك !!
امبارح لقيتها كاتبه عالتعليقات عندي :
كيفك.انا.ام.رامي!!
انا ذوقًا محيت التعليق و بعتلها مسج ، كيفك خالتي!
شافت المسج
وراحت عالتعليقات كتبت :
الحمد.لله.تعال.زورنا
برضو ذوقا مسحت التعليق ، انا بس بديش يفكروها الناس بتحكي مع حالها!
بعتلها مسج ، خالتي ردي علي هون اسهلك!
شافت المسج
وراحت عالتلعيقات وكتبت بالزبط :
الو.الو.سامعني!
رنيت ع رامي و حكتلو خود الموبايل من ايد الوالده و اشطب الفيسبوك و الغي حزمة النت!
يسعدلي كل امياتنا م ازكاهم ، اي اشي بعملوه حلو ، واي اشي بطلع منهم بجنن ، يا ريت امياتنا حكومه !
صباح الخير لكل ام بالعالم
#رنلي #عخالتك
#عمر_زوربا
تعليقات
إرسال تعليق