خلص لما اعطيك موبايلي مشان تشوف صورة فاتحلك عليها انا ، مش ضروي تزيح الصورة عالصورة اللي جنبها ، يا عمي مش ضروري مش ضروري مش ضروري!!
شو حابب تشوف يعني؟! ولا بتفرجينا انك بتعرف للتتش!!
خلص شوف الصورة المذكورة و خلص!!
وعلى حظنا بكون الصورة اللي جنبها عاطلة :/
- خصوصا يا حرام البنات ، بتفتح عصورة فستان من چوجل بدها تشتري زيو ، وبتعطي الموبايل للعقربه صاحبتها تشوفو ، العقربه بتشوف الفستان ، وبتقلب عالصوره اللي جنبها، بتلاقيها متصوره وهي صاحيه وشعرها واقف وطاعجة ثمها عالمراي ، ولابسه بجامة البنت الشتويه ، بتضحك و بتفرجيها للي معها ، والكل بضحكو !
والحزينه مفكريتهم بعدهم فاتحين عصورة الفستان!!
وزي الهبله بتقولهم : عنجد الفستان بضحك؟!
ولك يا طرمه فاتحين عالصورة اللي بعدها!!
- وبيجي شب بفتح ع صورة سيارة بي ام معدلّة بموبايلو ، وبكون قاعد مع شلة ، بفتحلهم عالصورة و بعطيهم يشوفوها وهو قاعد قبالهم ، بشوفوها و بفتحو عللي بعدها ، اللي بعدها بتكون صورة للشب حامل وردة وحاطتها عند وجهو وصافن فيها ، يحرام كاين متصورها لحبيبتو مشان يفرجيها انو هيه وردة حياتو !!
بفضحوه وهو قاعد زي الحزين ،، بفكرهم بضحكو ع جنطات البي الام!!
مهو يا اما بنشطب كل صور الموبايل و بنخلي الصوره المطلوبه ، يا اما ضلك ماسك الموبايل بإيدك و فرجيهم الصوره ، يا امي خلص تفرجيش حدا اشي يلا باي!
#فضول #قاتل
#عمر_زوربا
تعليقات
إرسال تعليق