بحتفلو بعيد الحب وبقضوها هدايا واحمر ودباديب ،
وبحتفلو بعيد الشجرة المثمرة وبزرعو الاحراش والصحرا وبتصورو جنب الشجرة ،
وبحتفلو بعيد البندورة ، وعيد البطيخة الصفرا ، وعيد الوردة الزرقا ، والبتنجانة المحروقة ، والسنجاب المخطط كحلي ، وعيد الالوان والبيجامات ، وعيد ميلاد البيبي ، وعيد زواجهم ، وعيد لقائهم ، وعيد كتب كتابهم ، وعيد اول مسكة ايد ، و اول لمسة كتف ، واول طبخة معكرونة !!
وعند عيد الأم ، بقولوووولك عيد الأم حرام!!
يا عمي تعتبروش عيد ، اعتبرو تكريم ، عربون محبة ، اي اشي ، يا عمي اعمل العيد كل يوم ، احتفل فيه كل يوم ، ابعتلها اغنية زي اغاني حبيبتك ، خدها ولف فيها بالسيارة وقعدها جنبك ولف ع دوار عبدون ، طششها ، حسسها انها مش بس ماكنة طبخ وتنظيف ، فيعها ، شغللها اغاني ونزلهم سناب شات ، عاملها معاملة الحبيبة!!
قال حرام قال ، هو انتو تركتو كل الحرام ، ومسكتو بيوم هالإم اللي عايشة طول عمرها الك!
#يا_حصتي_يما
#عمر_زوربا
تعليقات
إرسال تعليق