زمان على أيام ( رسائل البريد ) كانت توصل الرسالة بعد ١٥ يوم اقل اشي ،، وفش بالحارة اصلا تلفون ارضي للمكالمات الا بالحارات اللي كان فيها حدا ( واصل )
يعني لما بدنا نبعت رسالة لدار خالتي بسوريا نقولهم انو خالي مريض ودخل المستشفى ، بنبعتها ، بعد يومين مات خالي ، واندفن وعظامو صارت مكاحل ، بتوصل الرسالة لدار خالتي ، بقرأوها وبردّو عليها ، حمدلله عسلامتو امانه امانه طمنونا عنو ، وببعتوها ، بتوصلنا الرسالة يوم اربعين عزا خالي ، فإحنا هون ما بنبعتلهم انو مات بدناش نقلقهم ، بعد ٣ سنين بعرفو انو مات ، وبزعلو ليش ما خبرناهم كان إجو عالدفن !
اما حاليا وبوجود الواتس اب ،
سيلفي وخالي طالع ع درج المستشفى
سيلفي وخالي داخل ع غرفة العمليات
بردّو علينا بسيلفي وهمه زعلانين ع خالي
بنرد عليهم ب سيلفي وهو الدكتور طالع من العمليه
سيلفي مع تسجيل صوت الدكتور وهو بقول ( عملنا اللي علينا ، وانا لله وانا اليه راجعون )
بردو علينا بسليفي لخالتي ودموعها نازلين
وسيلفي لبنت خالي اغمى عليها عياط
سيلفي لخالتي وهي بتجهز الشناتي و جاي
سيلفي بالمقبره مع تشيك إن
سيلفي خيمة العزا والناس حزنانين
سنابشات بنت خالي خلفيه سودا مكتوب عليها ( راح الغالي )
تسجيل صوت واتس اب من خالتي ( انا هيني عالحدود ازمه ) وصوتها فيه بحة حزن!
زمان احسن ليش! زمان كانت تخف الصدمة بالحزن ، يعني بس يعرفو انو مات بعد سنه ، الحزن بكون اقل ، يعني خالتي بزبطش تبكي بحرارة عواحد مات من سنة !
يعني التكنولوجيا الحالية زادت الحزن ، يعني هيا بنا نقاطع الابليكيشينات ، يعني فلنرتقي ، يعني هاي مؤامره :/
#سيلفي_والميت_خلفي
#عمر_زوربا
تعليقات
إرسال تعليق