اللي متمشكلة مع جوزها وحردانه عند بيت اهلها .. بالعاده بكون اسمو ( يوسف ) وهي اسمها بالعاده ( ليلى )
ليلى : والله والله اذا اجى يوسف رح اطردو وما رح استقبلو 😡!!
وبتقول لأخوها الصغير ( حمزه ) : اذا اجى اطردو او تفتحلوش الباب وخليه واقف برى!
حمزه : حاضر يختي 😈!
* يوسف رن جرس البيت !
حمزه قام معصب بدو يطردو
ليلى : وين رايح ؟!
حمزه : بدي اروح اطردو وامسحلك فيه الارض 😡
ليلى : طب اخرس وروح فوت ع غرفتك وتتدخلش بهيك قصص ،
ليلى بتزبط شعرها ، وبتمسح عيونها ، وبتزبط البلوزه وبتروح تفتحلو 😳
امها بتطلع من المطبخ بتعض ع ايدها ، وبتمسك حمزه من بلوزتو وبتدفشو يفوت جوى!
حمزه : يما والله هي حكتلي اطردو والله 😭 يما والله بنتك مجنونه ، راااحت تفتحلووو وحكتلو تفضل 😳
بتيجي ليلى من ورى البرداي الفاصله الصالون عن القعده : يما خلي ابنك يوطي صوتو فضحني ، روح انصرف ع غرفتك يا كلب يا راسب يا ابو الدخان ،،
امو : حمزه بدخن 😳
ليلى : ييييي انتي بتعرفيش 😈 غرفتو كلها دخان!
المشهد الأخير :
ام حمزه مع حمزه بغرفتو بتعذب فيه وصراخو واصل قبرص،
ليلى مع جوزها بشربو قهوه بغرفة الضيوف!
* لا تكن بالحياة زي حمزة ، دايما طالع بسواد الوجه!
* ما توخد من الحردانه اي كلمة جد، لانها زي اللي صاحي من النوم !
#يا_حبيبي_ياحمزه
#عمر_زوربا
تعليقات
إرسال تعليق