انا بس بدي اعرف ليش البنات أغنى من الشباب 😡
بحسدهم كيف بقدرو يحوشو بالطريقة الغريبه هاي !!
بكون راتبها ٢٠٠ دينار !!
كيف بزبط معها تشتري كل يوم وجبة سوبر عربي مع بيبسي من الكبيرة مش ( الرفيعة ) ،، وهي مروحة بتتناول معسل نوعين الها ولأختها مع كيس فحم و ٦ برابيش ارجيله ، والمسا طشه مع صاحباتها مع عشا ، بتفرم طاولة عشا كاملة ، وبتشرب كاستين لمون ونعنع من الغالي ابو لونين ، وبتدفع مع صاحباتها للعشا و لقالب الكيك اللي فاجئو فيه صاحبتهم مشان عيد ميلادها ، وبتجيب معها هدية لصاحبيتها ، ولما يجو يقسمو ، بتدفع عن صاحبيتها اللي معهاش فراطة ، ودايما سيارتها فُل بنزين!! غير اذا عجبتها بلوزة بمحل عامل خصومات وحقها ٢٢ دينار ، بتوخد بلوزتين !!
حتى بالشغل اذا حدا مزح وقال ( تنزلو ع شرم ؟! )
بتقول اه !!
تروحو ع كولومبيا؟! بتقول اه !!
تروحو رحلة عالقمر؟! برضو بتقول اه!!
ولك من وينلك من وينلك 😡
واخر الشهر بزيد معها و بتحوشهم!!
واذا فتحت شنتتها بتلاقي كنز السندباد ، علبة هايجين جديدة لنچ ، مش محطوط فيها مي ومخضوضة ابدًا ،، وبتلاقي ٣٥٠ بكيت علكة اكسترا كل بكيت ناقص حبتين ، وبتلاقي موبايل سامسونغ بدو شاشة ، وسنسال ذهب ، وبطاقتين من إم الخمسة مش مشحونين ، و بست ليرات فاين ، اما بالسحّاب السري تبع الطوارئ بتلاقي ليرات جدّاد مطوّيين ومصفطين ، وفيهم عشرين ليرة عجنب!!
وبس تسألها بتقولك طفرانه ماكله هوى وصارلي سنه نفسي بقلم كحُله معيش اجيبو و اتركوني بحالي ومقهورين من الملكة!!!!
الشب راتبو بكون ١٥٠٠ ، بعد اسبوع بتلاقي شعرو طويل ونفسيتو متحطمة ومش طايق حالو من الطفر ، وضو البنزين بسيارتو ضاوي السيارة كلها ، ونت معوش ، ورصيد فش ، وبحسب ايام اخر الشهر بالثانيه ، كيف بطير هالراتب بعرفش ومعملش اشي!!
يا عمي احنا الشباب محسودين وماكلين عين تقول عين غزال ،، هاي مؤامرة كونية جاي من كوكب زمردة مدمريتنا دمار شامل !! اصلا المباراة مبيوعة 😡
#حوانين #كرستينا_المليونيرة
#عمر_زوربا
تعليقات
إرسال تعليق