انا نفسي افهم كيف الأجانب بصحو من النوم مبتسمين وبضحكو والحياة سعيدة!!
قال وبتقوم مرتو بتفتح طرف البرداية وبفوت عليه خط شمس بيجو ع عيونو وبصحى مبتسم وعادي !!
ما بطلقهااا!!! عادي هيك تحط الشمس بعينو الصبح وما يسلخها بالمنبه ع صباحها يقلبها لورى ٣ قلبات!!
لا ببتسم وبتجيبلو ( الكوفي وبعض من الكوكيز ) وبتقولو :
لقد صنعتها لك بنفسي 😍
قال هو بمسك المخدة اللي كلها ( ريش ) تبعت كليب اليسا عبالي حبيبي ، وبرميها عليها ( كنوع من المزح الرومنسي ) ، ويتطاير الريش بالغرفه ، وبتحس في فراشات بتطير فوق روسهم !!
المفاجأة والصدمة وين؟!
انو هاد اليوم بكون عطلة !!!!
حلفوو مليون يمين من فترة ، في وحدة مصحية جوزها هون الساعه ١٠ وبيوم عطلة ،،
قارصيتو من كتفو وقايلتلو قووم صحيت سخنانة و رحت عالمطبخ اغلي مرمية لقيت جرة الغاز فاضية !! قوم رن ع ابو حمزة تبع الغاز ، وخليه يجيب جرة جديدة!
بيقولو بيقولو انو قايم زي القرد الشمبانزي ينط عالتخت ويصرخ من صدمة القرصة وعاضض ع ايدو وعالسريع مطبّق عليها حركة مصارعة كاين شايفها قبل بيوم ، هيها الحزينه صارلها شهرين بتتعالج علاج فيزيائي ،، و ذانها اليمين فيها ( زنّة ) عجز الاطباء عن علاجها او فهم سببها الرئيسي!!
اصلاطن عادي احنا احسن من الاجانب ، بكفي فش عندهم سامح مول ولا باص سريع 😎
#لقد_انتهيت_من_صُنع_الحلوى_للتو 😍
#قوم_اطفح_هي_المقلوبة_جاهزة 👻
#عمر_زوربا
تعليقات
إرسال تعليق