في وحده عالسناب شات ، من فترة بعتتلي صورة طبخة ملوخيه ، وكاتبيتلو شو رأيك؟!
انا قلت يمكن بتعمل تصويت ، قلتلها مرتبة والله ، كتبتلي شكرا الك !
ثاني يوم بعتتلي صورة مقلوبة ،، بتقولي جد جد شو رأيك!!
قلنا ماشي مش مشكلة بلكي داخلة مسابقة ، قلتلها بتشهي 😍 ، قالتلي عنجد شكرًا !!
بعدها بيوم بعتتلي صورة صحن سلطة ، بتقولي شو رأيك؟!
قلت لا كتير هيك صراحة ، اي والله حسيت حالي ام رمزي ، يعني هو انتي قارئة اسمي عمر العالِم ؟! او اسمي المعدّلة ؟! طب مين اللي مفهمك انو انا ذّواق مثلا؟!
المهم ما رديت ،
بعتتلي عنجد انتا ليش شايف حالك؟!
وحدي الله يما 😳
ولك منتي ما خليتي طبخه تعتب عليي ، يعني شوي بدك تناديني اشتغل صوف انا وياكي لرمضان، بالله شو رأيك تطلبي مني طريقة مخلل الفقوس؟! او كيف خلطة المهلبية!!
امانه امانه شو رأيك تسأليني وين بعمل حواجبي؟! او شو رأيي ب لحية كاظم الساهر!! اي والله صرت استحي!!
يعني شوي بدها تصورلي جهاز عرس اختها !
يا عمي انا شوو دخلني شوو دخلني بالطبيخ!!
انا كبيري كبيري توخدي رأيي بالطقس ،،
اي والله حسيت حالي وفاء الفنانة ، او تغريد ام الجدايل ، او عقربة الجبل الشمالي ، او طباخّة وافتخر ، او جربوني واحكمو ، او امير ب سُفرتي !!
بعدين يا أكاااالّة يا نكّااارة يا مكّااارة ، نسيتي اني اعطيتك رأيي بنص طبخاتك 😡
بعد مأخدتي رأيي ب ١٦ صورة طبيخ ، بعتيني مشان صحن سلطة 😔
حلي عنا ياااا
#معزومة_بس_مظلومة
#عمر_زوربا
تعليقات
إرسال تعليق