لما تكون غلطان مع حدا ، وبتتناقش معو كتابيًا ،،
تحكيلووووش : يعني خلص ما بدك ابعتلك !!
هاد السؤال بزبطش اثناء نقاش مشكلة !!
يا عمي بزبطش بزبطش !!
قال يعني خلص مأحكيش معك ؟!
قال وبستناك تجاوبو ،
اذا قلتلو اه تبعتليش ،، بقولك اوك زي مبدك !!
واذا قلتلو لا ابعتلي عادي ، بضيع جو الزعل تبعك ، وبتروح المشكله ، وبكون لسا في حكي حابب تحكي وبروح!!
قال يعني خلص بدك اياني اروح؟!
يعني خلص ما ارجع ابعتلك ؟!
طب ولك خود واعطي ، طب م انتا عارف انو صعب احكيلك اه روح ، وبزبطش احكيلك لا خليك ، مشان الكرامه والقصص هاي!
الرجاء الغاء اي سؤال بكون جوابو أه او لأ !
مثال :
سوسن : تسنيم بعدك زعلانه مني؟!
تسنيم : شو رأيك انتي؟ طبعا زعلانه 😔
سوسن : يعني خلص ما بدك ابعتلك واطلع من حياتك ؟! جاوبيني اه او لا !!
وحدي الله يا سوسن ، طب خدي واعطي يا ام السوس ، يعني حشرتيها حشر ل تسنيم ، منتي عارفه انها بتستغنيش عنك ، بس عيشيها جو الاهمية ، حسسيها انو زعلها مهم شوي !!
طب افرضي تسنيم طلعت نفسية ونمرودة ، وقالتلك اه تبعتيليش :/
رح انتي تسوقي فيها وتقولي اوك زي مبدك انا عملت اللي عليي!!
ولك شو عملتي يا سوسن ؟! شو عملتي يا الدكتوره اللي طالعه من العمليه ( عملنا اللي علينا ) !
واذا تسنيم قالتلك لا ابعتيلي وخليكي ، رح انتي تقوليلها :
طب ليش سايقه فيها الزعلانه 😘
هيك ضاعت هيبة تسنيم 😔
يلا ماشي
#نفسيات #تحشروناش_حشر
#عمر_زوربا
تعليقات
إرسال تعليق