صاحبك برن عليك وانتا لحالك ،
بكون صوتو واطي
و فش شبكة والصوت بقطع
وبتفهمش عليه ولا كلمة ،
وبالاخر بكون موضوعو يتفق معك ع صلاة الجمعة انكم تصلوها مع بعض بنفس الجامع ! بكون عباره عن شيخ وبعطيك دروس دين بالمكالمه !!
اما لما يرن والعيله حواليك :
بصير في صمت غريب للكل ،
ببطل عندهم مواضيع
والكل بتفرج عليك مشان ترد ع موبايلك!
مع انو قبلك في مليون موبايل رن بس عادي!
بنط واحد من العيله بقولك ( مترد خلصنا )
انتا عجقة الدنيا كلها بتلبس فيك !
وبتحتار وين كبسة التسكير وايدك بتصير ترجف
بتنط امك بتقول : مين هاد اللي برن !
بتفوت بمليون حيط باطون !
بتفتح الخط وبتحط السماعه ع ذانك
اول جملة بتسمعها : ولك ليش بتردش يا ******
طبعا الكل بسمع ، الكل بترن بذانو المسبة !
انتا هون بتتمنى الارض تنشق وتبلعك عطول!
بتقولو بصوت معجوق ، في حولي ناس !
بقولك : هاهاهاها ولك ** ** كل اللي حواليك !
والمشكله هو بفتح سبيكر ، وبكون معو ٣ من ازنخ صحاب عندك ، واقفينلك عباب البيت ومشغلين اغاني !
واحد من اللي قاعدين ورى بقول :
انزل هينا تحت يا **** هاهاهاها !!!
#ترنوش_ياعمي
#عمر_زوربا
تعليقات
إرسال تعليق