طب احنا شو دخلنا ؟!
اذا هي برمضان متفقه مع خطيبها انها مااا تفطر الا لما يرن عليها ويقولها بحبك ٣ مرات !!
خلص همه هيك اجوائهم برمضان ،، لغو اذان المغرب خلص همه حرين احنا شو دخلنا؟!
التغى غروب الشمس خلص ما بدهم ياه !!
خلص حتى لو اذن المغرب ، اهلها كلهم بوكلو الا هيه ، هيه بتضل تستنى خطيبها يرن ويقولها بحبك ٣ مرات !!
طب تبع النوتيلا اسمو نوتيلتي !
هاد شو بدها تسميه؟! أذان مغربي؟! ولا فطوري؟! ولا لقمتي؟! ولا سفرتي؟!
عليم الله بعرف وحده انا ، الاكل عندها اهم من اهلها ، تخيلو خطيبها يقولها توكليش الا لما ارنلك ، عليم الله بتطعنو ٦ طعنات بكتفو
عكل حال خليهم الله يهنيهم ، خلص هيه هيك متبرمجة، بعشقو بعض يا عمي احنا مالنا؟!
ولك إن شاء الله بفطر عليكي وعليه يا عقربة يا ام غرة
#اذاني_وعيوني_وشعري_الاشقر
#عمر_زوربا
تعليقات
إرسال تعليق