يا عمي محداش يحكي معها وهي بتجلي ، اتركوها بحالها !!
و اكثر اشي بستفزها وهي بتجلي
لما واحد زنخ من اخوانها يقولها :
تعي تعي هيو رامز بلعب بالنار بلّش!!
وهي غرقانه بمستنقع جلي ، والشاطر اللي بمرقلها صحن عاليمين ، واللي برميلها معلقه بحوض المجلى ، واللي بناولها كاسه ربعها بيبسي وثلج!
وهداك الزنخ بقولها تعي تعي شوفي شو عمل رامز 😂
ولك هي لو قادره تترك من ايدها وتيجي بتيجي ، بتيجي وبتقعد وبتأرجل كمان ، بس منتا شايف شو صاير فيها ، منتا شايفها قاعده بتجلي وبتسب عالليوم اللي انولدت فيه بعقلها ، منتا شايف الادرينالين كيف مرتفع عندها ،
يا عمي اتركوها بحالها اتركووها بهمها!
وبس تخلص جلي وتيجي تقعد توخد نفس ، بنط برضو اخوها الزنخ يقولها : ولك راااح عليكي نص عمرك 😂
يا زلمه يقصف عمرك ، ولك هي ناقصاااك ، ولك اسكت ، ولك تذكرهاااش !!
والحزينه بس تيجي تتفرج عالاعادة ، برضو بنط اخوها الزنخ يحرقلها كل اشي صار ،، هسا بصير هيك ، هسا بصير هيك ،
يييييي هاي حضرناها وانتي بتجلي كلنا ، خلص اقلبي عنها 😂
وبوخد الريموت وبقلب بكل برودة اعصاب 😡
يا عمي حلو عنها ئي 😂
#كن_معها_في_عز_جليها
#عمر_زوربا
تعليقات
إرسال تعليق