حكومة | عمر زوربا | Omar Zorba

حاسس انو الحكومة زعلانين منّا لأنو في مديونية 😞
طب والله احنا ما عملنا اشي !!

احنا مساكين ، احكولنا ندفع بندفع ، احكولنا بدنا نرفع بنرفع معكم اذا بدكم ، احنا اسفين جد اذا زادت المديونية ، طب احكولنا شو نعمل بنعمل ، الضريبه وبندفعها ، ومخالفات سير بندفع ، وكاميرات سرعة مش ضايل غير تحطوها ع باب الحمام ، يا عمي احكولنا شو بدكم واحنا جاهزين بس تزعلوش 😞

طب اعذروني يا حكومة عهالسؤال وتزعلوش مني ،
امانة الله عليكم احنا عمرنا اعترضنا ع قرار؟!
عمرنا قلنالكم ثلث الثلاث كم؟!
طب ليش هيك انتو ئاسيين؟!

بدكم نعمل تمرين المعدة عالواقف بنعمل ، اطلع اضغط عالبرندة بطلع ، بدكم نرقص بنرقص بالشباحات ، في شب صاحبي اسمو موسى الكهربا ، سموه الكهربا لأنو برقص اجنبي وبعمل حركة المتكهرب ، اذا بدكم بخليه يرقص لما يعرق او يصفرن ، شو بدكم ؟!

صار نفسي اقرأ اي خبر في كلمة ( تخفيض )
فش اشي بنخفض عنا غير درجات الحراره !
طب سؤال ، فش عندكم تنزيلات ع اشي؟! زي محلات الاواعي ! طب فش عروض؟! طب اضحكو علينا ، مثلا خفضو الطحين وارفعو الخبز 😔

انا اسف مش تزعلو مني ، امانه ما حدا يزعل امانة ، انا عارف انكم مساكين ومش بإيدكم ، ولازم ترفعو الاسعار!
اه اه وبعرف انو المصاري مش رايحين لدار ابوكم او لمرسيدساتكم ، بعرف انكم زعلانين وانتو بترفعو والله بعرف!

انا بس هيك مجنون وبحكي معلش ، بس بقول وبفضفض ، مش تزعلو 😏 انا اصلا بحكيش بالسياسة ، انا اصلا شو دخلني !

احنا اسفين ، كلنا اسفين ، مش تسلخوني اسفين!

#بس_بحكي #حكومة
#عمر_زوربا