عمر زوربا (شب واقع فاهم الواقع)

يا حبيبي عالبنت اللي بتخطب اليوم!  والله لتوكل راسنا! عفكره انا خطبتي كانت بعيد الاستقلال ، كان ضايل ل رمضان كم يوم بس ، حكتلو ل خطيبي نأجلها لبعد رمضان ، راسو و الف سيف قال لا مش قادر اصبر!! ف حكتلو خلص ماشي ، وقضيناها ب رمضان عزايم عنا و عندهم  😍 الله يخليلي اياه بحبني ، ما رضي يأجل الخطبه شهر ، مهو ليش؟ لأنو في الي ابن عام عايش ب كندا ، وبدو يجي عالعيد ، وابن عمي قاتل حالو قاااتل حالو عليي ، ف خطيبي قال خليني اتغدى عليهم قبل ميتعشو عليي ، و ضل مصمم نخطب ! الله يخليلي اياه شو حنون وراسو يابس و متمسك فيي  🙈 طبعا القصة الحقيقية غير هيك!  هي اللي اكلت راسو يخطبو قبل رمضان! وابن عمها تبع كندا ، مش ابن عمها ، هو بس من العيله ، واصلا متجوز و عندو ولدين ، و مره زاروهم بالغلط بالعيد ، ومشان يفتح موضوع ، سألها شو متى ناوية تخطبي!!!! سؤال عادي وطبيعي! بس هي فسرتو انو قاتل حالو عليها!  ، مع انو الشب مؤمن ومش قاتل حالو ابدا ولا عمرو فكر بالانتحار ! طبعا كل عيد استقلال بدها تعيد نفس ام القصة  😡 وبتجيبها عن طريق سؤال تشويقي! بتتذكرو لما اجا عيد الاستقلا...

القفو هالخبر لقِف حسب موقع  أحداث اليوم الاخبارية عمان : مشاجرة بين فتاتين بسبب شاب " انتي خطفتيه مني " بيقولك ب احد الشوارع الفرعية ب دير غبار ، لاقطين بنتين نازلين ببعض شد شعر ع اكستنشن ، على تمزيع على مرمطه بنص الشارع ، والعالم متجمهرة ، والشارع مسكر! القصة وما فيها ، بنت شكلها كاينه طالعه تشتري معسل من محل من هالمحلات ، وماشيه بهالسياره ومشغلة اغنية ( مافيي عيش الا معك ) ، و مزهزهه معها ، والامور رايقة وكافية خيرها شرها ، حتى يمكن صارلها خمس دقايق مسكرة الخط مع حبيبها ، والامور مستقرة ، حتى اخر المكالمة حكالها انتي حبيبتي وبس ، انتي القلب و دقاتو ، و إن شاء الله تنعمي عيوني اذا بتشوف غيرك يا غالية! المهم وهي ماشيه ، شافت شب واقف بسيارته ، وجنبو بنت واقفين عند بوز السياره ، والهوى بطير بشعرها ، ومشغل اغنية ( ما بعيني الشكل الحلو ، شايف اكتر من حلو ) المهم هي قالت هاد معتصم ولا انا سكرانه؟! لا يا عمي مش هو! بس يا عمي هاد قميصو الكروهات! انا جبتلو اياه بعيد الشجره! لا لا مش هو يا عمي مستحيل!  طب مش هاي البنت اللي مرة لقطت صورتها بموبايلو وحلفلي ب عظام خالتو انو ما...

مسكينه البنت ، بتقعد ٦ ساعات تلف بالمول ، ومن طابق لطابق ، ومن محل لمحل ، ومن قسم ل قسم ، وبتنقي بلوزه من محل ماركا ، وبتقيسها ١٣ مره ، وبتصفن بالمراي ساعه وربع ، وبتتصور فيها ، وبتبعتها لصاحبيتها الثقه ، تسألها عن رأيها : عبير بسرعة رديلي خبر حلوة البلوزه؟!   اه بتجنن وحلوه عليكي! بتشتريلها بسعر غالي ، وبتحس حالها ضحكت عليهم واخدتها ب ٤٥ ،وبتعجق الدنيا ، وكيس كرتون ، ووسعولي ، وابعدولي ، وعالدرج الكهربائي ، وجاعصة بالكيس ، وانا اواعيي كلهم ماركات ! وبس توصل البيت ، امها بتكون بالمطبخ ، في طنجرتين عالغاز ، وفي عالرخامه تبعت المطبخ ، المفرمة تبعت السلطة ، كل شوي بتروح بتكمل فرم! ماما لو تشوفي شو اشتريت!   بدل متساعدي امك ، صارلك من الصبح بالمول ، شو اشتريتي؟!     شفتي البلوزه اللي لبستها نسرين طافش بمسلسل صبايا الجزء الاول بالمشهد اللي كانت تستنى تكسي؟!   لا ما شفتها مالها؟     شوووفي اشتريت زيها ، وبتشيل البلوزه من الكيس ، وبترمي الكيس عالارض ، وبتحط البلوزه عحالها تفرجي امها !   امها : وهاي بكم اشترتيها؟   ...

بس مشان افرجيكو انو الرجال عينهم فارغة وما بعبيها الا التراب  😂 حسب موقع  أحداث اليوم الاخبارية خبر اليوم بيقول : سيدة تعتدي بالضرب على زوجها على دوار المدينة ! القصة وما فيها انو هالزلمة ومرتو بشتغلو كل واحد بمكان ، والحياة سعيدة وجميلة !  بس كل يوم الصبح كاينه تحكيلو ، يا ابن الحلال وصلني معك عشغلي ، بدل م اتشمشط بالمواصلات ، وتكاسي وباصات وازمة وتأخير !  فهو شو كاين يحكيلها ، والله يا غالية انا بوصل صاحبي معي بالسيارة ، معلش بعينك الله عالمواصلات! وهي الحزينه ، الطيبه ، بنت الاصول ، تقول بعقلها مش مشكله ، بلاش يزعل صاحبو ، خلص انا بروح ع شغلي مواصلات و بعين الله ! يوم يومين ، شهر شهرين على هالحالة ، كل يوم بوصل صاحبو ، وهي يا حرام ، على تكاسي و مواصلات ، وتأخير و غرامات ، بس مش مشكلة ( عشانك يا تُشكل آسي ، بركب تكاسي ) المهم شو صار ، اليوم ب فترة الصبح ، ولكو عنجد مشهد تقشعر له الابدان ، يا ولدااااه على اللي صار ، يا حسرتي وويل حالي ، يا بختك المايل ، يا ام الجدايل! مهو على رأي المثل ، حظ الملايح طايح ومنيل ب ٥٠٠ نيلة ، وحظ القبايح .. الخ!  ...

من جُمل الأم المشهورة بمواضيع الرحلات :   الكل يوم الجمعة بطلعو رحلة ، الا انا بس بضل بهالبيت للخدمة والطبيخ ، قاعدة بهالبيت ، ليش هو انا عمري طلعت رحلة ، هيهم الكل بعبو بسياراتهم وبطلعو رحل! والحزينة بس يوخدوها رحلة ، بتقضيها بالرحلة تفرم سلطة ، وتعمل تبولة ، وتدور ع كيس الملح الاسود اللي ربطتو ومتأكده انها جابتو!   وبيجي عليها ابنها الصغير الزنخ يقولها يما بدي اروح عالحمام ، وبقعد يفرك حالو قدامها وينط ويسكر رجليه ع بعض وبحملها مسؤولية حصر البول اللي بدو يصير معو! وبنتها اللي حاطه سماعات بذنيها وبتسمع اغاني ومش سامعة حدا! وجوزها بنكد عليها لأنها وهي قاعده بالرحلة الحزينة بتتذكر زمان انو مرة بس اجو سلافها وسلفاتها من السفر ، ابوكو اخدهم رحلة وتركوني بالبيت لحالي ، ورجعو مبسوطين ويضحكو ، وسلفتها القوية حكتلها ييي كان اجيتي معنا والله انبسطنا ، ولا يلا منيح انك درتي بالك عالبيت  😏 وبتصير الرحلة عبارة عن رحلة نكد و زت حكي ، و بختموها الشباب اللي بكل رحلة بكون معهم سيارة كيا سيفها ، بصفوها بعيد ، وبشغلو اغاني ، وبفتحو البواب ، وبكون واحد فيهم ...

حاسس انو الحكومة زعلانين منّا لأنو في مديونية  😞 طب والله احنا ما عملنا اشي !! احنا مساكين ، احكولنا ندفع بندفع ، احكولنا بدنا نرفع بنرفع معكم اذا بدكم ، احنا اسفين جد اذا زادت المديونية ، طب احكولنا شو نعمل بنعمل ، الضريبه وبندفعها ، ومخالفات سير بندفع ، وكاميرات سرعة مش ضايل غير تحطوها ع باب الحمام ، يا عمي احكولنا شو بدكم واحنا جاهزين بس تزعلوش  😞 طب اعذروني يا حكومة عهالسؤال وتزعلوش مني ، امانة الله عليكم احنا عمرنا اعترضنا ع قرار؟! عمرنا قلنالكم ثلث الثلاث كم؟! طب ليش هيك انتو ئاسيين؟! بدكم نعمل تمرين المعدة عالواقف بنعمل ، اطلع اضغط عالبرندة بطلع ، بدكم نرقص بنرقص بالشباحات ، في شب صاحبي اسمو موسى الكهربا ، سموه الكهربا لأنو برقص اجنبي وبعمل حركة المتكهرب ، اذا بدكم بخليه يرقص لما يعرق او يصفرن ، شو بدكم ؟! صار نفسي اقرأ اي خبر في كلمة ( تخفيض ) فش اشي بنخفض عنا غير درجات الحراره ! طب سؤال ، فش عندكم تنزيلات ع اشي؟! زي محلات الاواعي ! طب فش عروض؟! طب اضحكو علينا ، مثلا خفضو الطحين وارفعو الخبز  😔 انا اسف مش تزعلو مني ، امانه ما حدا يزعل امانة ، انا ...