عمر زوربا (شب واقع فاهم الواقع)

صباح الخير يا جماعة الخير .. كنا زمان ازا الوالده طبخت شوربة عدس .. كلنا نلتم عليها .. حتى كنا نوكل منها وهي بعدها عالغاز .. والحاره كلها تعرف بالطبخه .. ضُمة الفجل كانت تلف عكل الحاره .. و نص الليمونة اللي دايما موجودة بباب الثلاجة كان الها دور .. نوكل ونشبع والحمدلله رب العالمين !! بحزن عالموضه الجديده هالايام .. تبعت انو الإم بس تخلص طبيخ وتجهز الاكل .. لازم تصور الاكل كلوو .. من جميع الزوايا .. خصوصًا صحون اللبن .. صحون المخلل .. المعالق الجديدة .. المفرش تحت الاكل .. عطاولة السفره !! بحسها بتقول لولادها : محدااااش يمد ايدوووو عالأكل قبل مأصورو !! اول صورة مش طالع فيها صحن اللبن التانيه المعالق مش مرتبين فيها منيح التالته الجاجة اللي عالرزّ مايله عاليمين !! ولازم الصورة تبين فيها طرف الشاشه ال ٤٧ بوصة ( بالعقل ) .. والولاد لازم يستنو تحميل الصور عالفيسبوك ،، وما يبلشو اكل الا لما الصورة تجيب ١٦ لايك !! بحس الولاد ساعيتها بيصيرو يرنو ع صحابهم ( بعرررض خواتكو حطوو لايك عالصورة اللي نزلتها امي ) بدنااا نوووكل !! غير هيك بتلاقيها كاتبه تحت الاكل .. بالانجليزي...

زمان وانا واقف عباب مدرسة البنات ،، اجت احلى بنت عمستوى المدرسة ،، حتى عمستوى الدولة كلها ،، اجت قدام كل الشباب و اعطتني ورقه !! وحكتلي بالزبط : هاي إلك انا يومها من الفرحة كنت بدي انشل شلل نصفي ،، صار معي رعشه بالعين اليمين ،، ورجلي الشمال تخدرت تخدير موضعي .. حسيت كأني كنت بعرس ،، وقامت العروس عن اللوج من جنب عريسها ،، ومسكت الشوكة اللي فيها قطعة كيك ،، وطعمتني اياها ،، واجو اهل العريس طعنوني ١٦ طعنه في اجزاء مختلفه من الجسم .. ما علينا ،،، الشباب اللي معي كلهم غاروو مني ،، ويقولو ولك من وين بتعرفها ؟؟! شكلها بتحبك ؟؟! اقرألنا الورقه !!! انا بالحاله هاي عشت جو اللي مش فاهم ،، واللي شايف حالو .. واللي مش فارقه عندو ،، حتى حكتلهم : يا اخوان عادي شوفيها ؟! هسا اذا بدكو بمزع الورقه قبل م اقرأها .. الكل قال بصوت واحد : لا لا لا لا لا بشرفك خلينا نقراها ‏ اتجمعنا كلنا عالورقه ،، بالزبط زي شلة الشباب المراهقين الملمووومين حوالين شب معو فيديو +١٨ عربي ،، هدووء تام ،، ترتيب بالوقفه .. رؤوس مرتبه فوق الورقه .. الايدين عالكتاف زي الدبكة .. فتحت الورقه ،، كلام كتير مكتوب بخط سريع...

عزيزتي البنت إزا حابة علاقتك انتي وحبيبك تستمر للأبد وبدون مشاكل ووجع راس ونكد سييييبك من موضوع الخطبة والجيزة بعرض خواتك!! سيبك من اغنية عبالي حبيبي!! إلبسلك الابيض،، لأنو الشب هالايام بتعقّد من الفستان الابيض!! سيبك من انو ابن خالتك بدبي بدو ياكل وقاتل حالو عليكي،، لانو لو بدو ياكي كان اخدك يا طرمة!! وسيبك من انو كل متروحي ع حفله كل النسوان بسألوكي ازا مخطوبة!! لأنو القصه هاي صارت قديمة وملعوبه!! وسيبك انو شوفير التكسي قتل حالو ليوخد رقمك ويخطبك بس انتي مش مفكره بشوفير تكسي!! عليم الله كنترول ع خط مادبا بتوافقي عليه !! بعدين بكمّل #عمر_زوربا وشكرا

زمان كانت أسماؤنا أحلى ، ورائحة الباميه تتسرب من شبابيك البيوت، وساعة "الجوفيال" في يد الأب العجوز أغلى أجهزة البيت سعراً وأكثرها حداثة، وحبات المطر أكثر اكتنازاً بالماء. زمان .. حين أخبار الثامنة أقلّ دماً، ومذاق الشمس في أفواهنا أطيب، وطريق "المصدار" أقل ازدحاماً بشاحنات الأثاث، وبنات المدارس يخبئن أنوثتهن في صفحات دفتر العلوم. لما كانت غمزة "سميرة توفيق" أكثر مشاهد التلفزيون جرأة، و"مجلس النواب" حلماً يداعب اليسار المتشدد، وأجرة الباص قرشين، والصحف تنشر كل أسماء الناجحين بالتوجيهي. عندما كان المزراب يخزّن ماء الشتاء في البراميل، وكُتّاب القصة ينشرون مجموعات مشتركة، وحلو العرس يوزع في كؤوس زجاجية هشّة تسمى "مطبقانيات"، والجارة تمدّ يدها فجرا من خلف الباب بكوب شاي ساخن للزبّال فيمسح عرقه ويستظلّ بالجدار! زمان.. عندما كانت "الشونة الشمالية" آخر الدنيا، و"فكر واربح" أهم برامج المسابقات، ولم نكن نعرف بعد أن ثمة فاكهة تتطابق بالاسم مع منظف الأحذية "الكيوي"، وأننا يوماً ما سنخلع جها...